9 ildə ilk: “Gürcü Arzusu”nun qurucusu gəlir hesabatı təqdim edib

Gürcüstanın hakim partiyasının qurucusu və milyarder Bidzina İvanişvili 9 ildə ilk dəfə maliyyə bəyannaməsi təqdim edib.

Ölkə.Az xarici mediaya istinadən xəbər verir ki, onun adına rəsmi qeydiyyatda olan yeganə daşınmaz əmlak doğulduğu Çorvila kəndindəki əmlakdır. Gürcüstan, Fransa və Rusiyada bahalı evlər onun həyat yoldaşı Yekaterina Xvedelidzeyə məxsusdur.

İvanişvili bundan əvvəl bəyannaməni yalnız 2013-cü ildə, baş nazir olarkən təqdim etmişdi. Yeni məlumatlara görə, ər-arvadın 20-yə yaxın torpaq sahəsi və 4 yaşayış binası var və onların bank hesablarında 159,3 milyon dollar var.

"Bloomberg" İvanişvilinin sərvətini 7,55 milyard dollar qiymətləndirir.