İŞİD-dən növbəti təhdid: \"Parisi vurduğumuz kimi Vaşinqtonu da vuracağıq\"

"Fransanın aldığını alacaqsınız"

Ölkə.Az "Reuters" agentliyinə istinadən xəbər verir ki, İŞİD terror qruplaşması ABŞ və digər ölkələrdə terror aktları təhdidlərini əks etdirən bəyanat yayıb.

"Biz Xaç yürüşündə iştirak edən ölkələrə demək istəyirik ki, and olsun Allaha ki, siz Fransanın aldığını alacaqsınız. Fransanı Parisdə vurduğumuz kimi, ABŞ-ı da mərkəzdə, Vaşinqtonda vuracağıq", - deyə terrorçular bildriib.

13 noyabrda Fransanın paytaxtı Parisdə törədilən terror aktları nəticəsində 153 nəfər ölüb, azı 200 nəfər yaralanıb.

İŞİD terror təşkilatı Parisdə baş verən terror aktlarına görə məsuliyyəti öz üzərinə götürüb. İŞİD hücumları Suriya üçün "Vendetta" adlandırıb.

Rəşid Mustafazadə

Ölkə.Az