Yəmən prezidenti qayıtdı

Adendə enib

Ölkə.Az "Reuters" agentliyinə istinadən xəbər verir ki, Yəmən prezidenti Abd-Rabbu Mənsur Hadi ölkəsinə qayıdıb.

Hava limanındakı mənbələr bəyan edir ki, dövlət başçısının təyyarəsi hökumət qüvvələrinin nəzarətində olan Adendə enib.

Qeyd edək ki, sentyabrda prezident Yəmənə səfər etsə də, tezliklə ölkəni tərk edib. Bir müddət öncə, rəsmi Ər-Riyad Yəməndə husilərə qarşı müharibənin bitəcəyini elan etmişdi.

Səudiyyə Ərəbistanı martın 25-də husilərin Yəməndə ölkənin cənub əyalətlərinə irəliləməsinin qarşısını almaq və BMT-nin rəsmi olaraq tanıdığı prezident Əbd Rəbbi Mənsur Hadinin yenidən hakimiyyətə gətirilməsi məqsədilə Yəmənə qarşı hava hücumlarına başlayıb. 10 ərəb dövləti və ABŞ "Qətiyyət fırtınası" adlanan bu hərbi əməliyyatı dəstəkləyib.

Husilər ötən ilin sentyabrından Yəmənin paytaxtına hücum edib, Mənsur Hadi hakimiyyətini devirərək paytaxt Sənanı nəzarətə götürüb. O, ötən ay ölkənin cənubundakı Ədən şəhərinə sığınıb. Üsyançılar cənub regionlarına irəlilədiyinə görə onun artıq ölkədən çıxdığı deyilir.

Mənsur Hadi BMT Təhlükəsizlik Şurası və Ərəb Dövlətləri Liqasından husiləri dayandırmaq üçün hərbi yardım istəmişdi.

Rəşid Mustafazadə

Ölkə.Az