Şimali Koreya 7 ballistik raket atdı
KXDR ən azı 7 ballistik raket buraxıb və bunların hamısı Yaponiyanın iqtisadi zonasından kənara düşüb.
Ölkə.Az xəbər verir ki, bunu Yaponiyanın müdafiə naziri Gen Nakatani bildirib.
“Bu gün KXDR şimal-şərq istiqamətində qısa mənzilli ballistik raket buraxıb... Ən azı 7 raket atılıb. Onların uçuş məsafəsi 400 kilometrə qədər olub”, - yaponiyalı nazir bildirib.
Nakatani əlavə edib ki, Yaponiya hökuməti raket buraxılışları ilə bağlı KXDR-ə kəskin etiraz göndərib və vəziyyəti “tamamilə qəbuledilməz” adlandırıb.
"Yonhap" agentliyinin məlumatına görə, ballistik raketlər ABŞ-də prezident seçkilərinin başlamasına bir neçə saat qalmış baş tutub.
Mürtəza
