“Taliban” Trampa olan ümidlərini açıqladı
Əfqanıstana nəzarət edən “Taliban” hərəkatı Donald Trampın prezidentliyi dövründə ABŞ ilə münasibətləri inkişaf etdirmək istəyini açıqlayıb.
“Ölkə.az” xəbər verir ki, bu barədə EFE agentliyi məlumat yayıb.
“Ümid edirik ki, Əfqanıstan və ABŞ qarşılıqlı fəaliyyətə əsaslanan ikitərəfli münasibətlərin yeni səhifəsini aça biləcəklər”, - agentlik ölkənin Xarici İşlər Nazirliyinin bəyanatından çıxarış verib.
Bundan əlavə, “Taliban” Tramp administrasiyasının iki ölkə arasında münasibətlərdə irəliləyişə yönəlmiş addımlar atacağına ümid etdiyini bildirib.
Xatırladaq ki, daha əvvəl Respublikaçılar Partiyasının namizədi Donald Trampın tələb olunan 270 seçici səsi həddini keçərək 277 seçicinin dəstəyini qazandığı və bununla da seçkilərdə qələbə qazandığı bildirilmişdi.(Report)
