İŞİD Türkiyəyə hücum etdi: yaralılar var

Qurban bayramında Suriyanın Türkiyə ilə sərhəddə yerləşən Kobani şəhərində İŞİD qruplaşması ilə kürd peşmərgə qüvvələri arasında döyüşlər səngiməyib.

Kobani şəhər peşmərgə qüvvələri tərəfindən müdafiə olunur. İŞİD-in hücumları nəticəsində yurdlarından olan 160 min suriyalı Qurban bayramını qaçqın çadırlarında qeyd edirlər.

Suriyanın Kobani şəhərində gedən döyüşlər nəticəsində Türkiyə tərəfə növbəti dəfə mərmi düşüb. Sərhəddə yerləşən Şanlıurfa vilayətinin Suruc rayonundakı Atmanbek kəndinə atılan mərmi yaşayış evinə düşüb. Nəticədə həmin evin sakinlərindən 4-ü yaralanıb.

Bir müddət öncə Türkiyə Böyük Millət Məclisi Türkiyənin təhlükəsizliyinə zərər gələcəyi təqdirdə İŞİD-ə hərbi müdaxilə edilməsi haqqında qərar qəbul etsə də, hələki Türk silahlı qüvvələrinə İŞİD-ə qarşı hucuma keçmək əmri verilməyib.

İki gün öncə isə Amerika Birləşmiş Ştatları İŞİD silahlılarına endirdiyi aviazərbələrlə bağlı kadrlar yaymışdı.

Bu gün isə İraqın “Əl-İraqiyə” dövlət telekanalı İŞİD qruplaşması ilə İraq ordusu arasında silahlı qarşıdurmanı əks etdirən kadrları yayıb.

Yerli tayfaların da dəstək verdiyi İraq ordusu paytaxt Bağdaddan 75 kilometr məsafədə yerləşən Duluiya şəhərini İŞİD qüvvələrindən tamamilə azad edib.

Bununla yanaşı kürd qüvvələri İŞİD-in Kərkük şəhəri terrorçuların ən vacib strateji mövqelərindən birini də ələ keçiriblər.

Co Baydenin Türkiyə hökumətini İŞİD terrorçu qruplaşmasına dəstək verməkdə ittiham etməsindən sonra Türkiyənin sərt reaksiyası ilə üzləşəndən sonra Ərdoğan ilə birbaşa telefon əlaqəsi yaradaraq Türkiyə ilə əlaqədar sözlərinin yalnış anlaşıldığını deyib və Ərdoğandan üzr istəyib. Ərdoğan Türkiyənin əsla İŞİD-ə dəstək olmadığını deyərək, əksinə, Türkiyə dövlətinin həmişə terrorizmə qarşı mübarizə apardığını açıqlamışdı. (ANS TV)

Ölkə.Az