Trampla Bayden görüşəcək - Nə danışacaqlar?

Noyabrın 13-də Ağ Evdə ABŞ prezidenti Co Baydenlə və yeni seçilən prezident Donald Tramp arasında görüş olacaq.

Ölkə.Az xəbər verir ki, bu barədə prezidentin milli təhlükəsizlik üzrə müşaviri Ceyk Sallivan "CBS News"a açıqlamasında deyib. O bildirib ki, görüşdə Bayden Trampı Ukraynaya dəstəyini davam etdirməyə çağıracağı gözlənilir.

Onun sözlərinə görə, Bayden və Tramp “əsas daxili və xarici siyasət prioritetlərini”, xüsusən də Avropa, Asiya və Yaxın Şərqdə baş verənləri müzakirə edəcəklər.

Bayden Tramp administrasiyasını Kiyevi tərk etməməyə çağıracaq, çünki bu, Avropada daha böyük qeyri-sabitliyə səbəb ola bilər.

Mürtəza
Ölkə.Az