Bu ölkədə milli fəlakət elan edildi - Video

Kolumbiya Prezidenti Qustavo Petro ölkə daxilində milli fəlakət elan edib.

Ölkə.Az xəbər verir ki, buna səbəb Kolumbiyada leysan yağışların səbəb olduğu sel və torpaq sürüşmələridir.

Paytaxt Boqotadakı Milli Vahid Komandanlıq Mərkəzində müvafiq qurumların rəsmiləri ilə görüşən Petro seldən zərər çəkmiş ailələrə daha sürətli yardım göstərmək üçün Milli Fəlakət elan etdiklərini bildirib.

Milli Risk İdarəetmə Birliyinin (UNGRD) verdiyi açıqlamaya görə, 46 min ailə leysan yağışlardan ziyan görüb, 5 bölgədə  fövqəladə vəziyyət elan edilib.

Sosial şəbəkələrdə yayımlanan görüntülərdə paytaxt Boqotanın şimalında magistral yolların və avtomobillərin su altında qalması öz əksini tapıb.

Prezident Petronun bəyanatına görə, daşqınlardan zərər çəkən şəxslərə yardım məqsədilə 2,5 milyard Kolumbiya pesosu (570 min ABŞ dolları) ayrılacaq.

Billurə