İŞİD-ə qarşı döyüşün kadrları yayıldı
İraqın «Əl-İraqiyə» dövlət telekanalı İŞİD qruplaşması ilə İraq ordusu arasında silahlı qarşıdurmanı əks etdirən kadrlar yayıb.
Telekanalın məlumatına görə, yerli tayfaların da dəstək verdiyi İraq ordusu bu döyüş nəticəsində Duluiya şəhərini İŞİD qüvvələrindən tamamilə azad edib. Ordu paytaxt Bağdaddan 75 kilometr məsafədə yerləşən Duluiya şəhərini azad etmək üçün şəhər ətrafındakı meşəlik ərazidə mövqe qurub.
Amerika Birləşmiş Ştatlarının Hərbi-Dəniz Qüvvələrinin Komandanlığı isə oktyabrın 3-də İŞİD qüvvələrinə endirilən aviazərbələrlə bağlı kadrları yayıb. Kadrlarda Birləşmiş Ştatlarının Ərəb körfəzində yerləşən Corc Buş təyyarədaşıyan gəmisindən döyüş təyyarələrinin havaya qalxması və gəmiyə eniş etməsi əks olunub.
Videonu müşayiət edən mətndə deyilir ki, ABŞ təyyarələri 3 oktyabr tarixində İraq və Suriyadakı İŞİD qüvvələrinə aviazərbələr endirib və bu aviazərbələr ABŞ prezidentinin İŞİD-ə qarşı strategiyasının bir hissəsi olaraq həyata keçirilib. (anspress)
Ölkə.Az
