Bu top-menecerlərin maaşı sizi şoka salacaq

"Forbes" jurnalı Rusiyanın ən çox maaş alan menecerlərinin siyahısını dərc edib.

Ölkə.az xəbər verir ki, siyahıda birinci yeri "Gazprom"un rəhbəri Aleksey Miller tutub.

Onun illik maaşı 25 milyon dollardan 27 milyon dollara qədər artıb. Aleksey Miller "Gazprom"dan başqa daha üç şirkətin direktorlar şurasına da rəhbərlik etdiyinə görə "Gazpromneft", "Soqaz" və "Gazprom-media"dan da maaş alır.

Siyahıda ikinci yeri VTB-nin rəhbəri Andrey Kostin tutur.

O, keçən il bu siyahıya rəhbərlik edirdi. 2013-cü ildə Kostinin illik maaşı 37 milyon dollar olsa da 2014-cü ildə bu məbləğ maliyyə böhranı ilə əlaqədar 21 milyon dollara düşüb.

Üçüncü yeri isə "Rosneft"in prezidenti İqor Seçin tutur.

 

Seçinin illik maaşı 17,5 milyon dollardır.

Siyahının dördüncü pilləsində isə "Oneksim" qrupunun baş direktoru Dmitri Razumov qərar tutur.

Onun illik maaşı 15 milyon dollardır.

Siyahının beşliyini isə "Sberbank"ın rəhbəri, keçmiş iqtisadi inkişaf naziri German Qref tamamlayır.

 

Rusiyanın ən böyük bankının rəhbərinin illik maaşı isə 13,5 milyon dollar məbləğindədir.

Ölkə.az