Rumıniya 32 ədəd F-35 alır

NATO ilə Rusiya arasında gərginliyin artdığı bir vaxtda Alyansın şərq cinahında strateji əhəmiyyəti artan Rumıniyanın ABŞ-dən 32 ədəd F-35 qırıcısı alacağı açıqlanıb.

Ölkə.Az xəbər verir ki, bu barədə Rumıniyanın baş naziri Marsel Ciolacu məlumat verib.

Baş nazir satın alınan F-35-lərin Rumıniyanın müdafiə qabiliyyətini əhəmiyyətli dərəcədə gücləndirəcəyini və tədarükün 2030-cu illərin əvvəllərində başlayacağını gözlədiklərini bildirib. "Təəssüf ki, mövcud geosiyasi vəziyyət həm alyans, həm də milli səviyyədə çəkindirici və etibarlı müdafiə imkanlarına təcili ehtiyac olduğunu ortaya qoyur", - Ciolacu deyib. 

ABŞ-nin Rumıniyadakı səfiri Katlin Kavalec isə deyib ki, Buxarestin F-35-ləri almaq qərarı kollektiv təhlükəsizliklərinə çox mühüm töhfədir.

Bununla da Rumıniya F-35-i alan dünyanın 20-ci ölkəsi olacaq.

Mürtəza
Ölkə.Az