Qərb Ukraynaya 100 minlik ordu yeridəcək - SVR 

Rusiya Xarici Kəşfiyyat Xidməti (SVR) iddia edir ki, Qərb ölkələri “Ukraynanın faktiki işğalını” planlaşdırır və bu məqsədlə Ukraynaya sülhməramlı kontingent yerləşdiriləcək.

Ölkə.Az xəbər verir ki, bu barədə Rusiya Xarici Kəşfiyyat Xidmətinin yaydığı məlumatda qeyd olunub. 

Məlumatda qeyd olunur ki, Ukrayna bir sıra ölkələr arasında “bölüşdürüləcək”. Qara dəniz sahilləri Rumıniyaya, qərb bölgələri Polşaya, ölkənin mərkəzi və şərqi Almaniyaya, şimal bölgələri və paytaxt bölgəsi Böyük Britaniya ordusu nəzarət edəcək. Ümumilikdə, Ukraynaya 100 min sülhməramlı göndərilməsinin planlaşdırıldığı iddia edilir.

"The Wall Street Journal" isə yazıb ki, ABŞ-nin yeni seçilmiş prezidenti Donald Trampın müşavirləri Ukraynada döyüşlərin dayandırılması planını təqdim ediblər, bu plan silahsızlaşdırılmış zonanın yaradılmasını nəzərdə tutur. Buna kimin nəzarət edəcəyinə qərar verilməyib, lakin nəşrin bir mənbəsi bunun Avropa hərbçiləri ola biləcəyini etiraf edib.

Noyabrın 11-də Avropa İttifaqının (Aİ) xarici siyasət xidmətinin nümayəndəsi Piter Stano bildirib ki, assosiasiya Ukraynaya avropalı sülhməramlıların göndərilməsi ilə bağlı qərar qəbul etməyib. "Ukrayna hərbçiləri Avropa ölkələrində təlim keçir və 2025-ci ilin qışının sonuna qədər Aİ onların sayını 75 minə çatdırmaq niyyətindədir", - o qeyd edib.

Mürtəza
Ölkə.Az