Zelenskidən şok razılıq: Yoxsa Putin...

Zelenski Rusiya ilə isti müharibəyə son qoyacaq atəşkəs şərtini açıqlayıb.

Ölkə.Az xəbər verir ki, bununla bağlı Ukrayna prezidenti Volodimir Zelenski "Sky News"a müsahibəsində bildirib. 

"Müharibənin qaynar fazasını dayandırmaq istəyiriksə, o zaman nəzarətimiz altında olan Ukrayna əraziləri NATO-nun çətiri altına gətirməliyik. Bunu tez bir zamanda etməliyik. Sonra Ukraynanın işğal olunmuş ərazilərini diplomatik yolla geri ala bilər”, - Zelenski qeyd edib.

Putinin Ukraynanın daha çox torpaqlarını ələ keçirmək üçün geri qayıtmayacağına zəmanət vermək üçün atəşkəsə ehtiyac olduğunu deyən Zelenski bildirib ki, bunun üçün NATO Ukraynanın Kiyevin nəzarətində olan hissəsini dərhal üzvlüyə daxil etməlidir: "Ukraynanın buna çox ehtiyacı var, əks halda Putin geri (yəni Ukraynaya) gələcək".

Trampla əməkdaşlıq məsələsinə gəldikdə isə Ukrayna prezidenti Zelenski deyib ki, onunla birbaşa işləmək istəyir: "Çünki ətrafdakı insanlardan fərqli səslər gəlir. Ona görə də ətrafımızdakı kiminsə ünsiyyətimizi pozmasına icazə verməməliyik".

Mürtəza
Ölkə.Az