Separatçılar Donetsk aeroportunu tutdu?

Ukraynanın Donetsk vilayətində rusiyameyilli separatçılar hava limanında öz bayraqlarını qaldırıblar.

Bu barədə separatçıların Donetskdəki qərargahından xəbər yayılıb.

Xəbərə görə, separatçılar hazırda Donetsk hava limanında nəzarəti ələ keçirib. Separatçılar aeroportda ölənlərin cəsədləarini oradan çıxarmaqla məşğuldur. Cəsədlər arasında Ukrayna hərbçilərinin meyitlərinin də olduğu bildirilir.

Qeyd edək ki, Donetskdə döyüşlərin getdiyi bildirilirdi. Amma rəsmi şəkildə hava limanının separatçılar tərəfindən ələ keçirildiyi bəyan edilmirdi. Separatçıların belə açıqlamasına baxmayaraq Ukrayna tərəfi Donetsk hava limanının hələ də ordu qüvvələrinin əlində olduğunu bəyan edir.

Qeyd edək ki, Donetsk hava limanı uğrunda döyüşlər uzun müddətdir ki, gedir. Aeroport strateji yer olduğuna görə, Ukrayna tərəfi geri çəkilmir. Separatçılar isə hava limanını almaq üçün əlindən gələni edir. (Anspress)

Ölkə.Az