Uduzan Rusiya, İran, Suriyadır, Əsəd bunu etsəydi... - Hulusi Akar

Əsəd zamanında bizimlə əməkdaşlıq etsəydi, vəziyyət bu mərhələyə gəlib çıxmazdı.

Ölkə.Az xəbər verir ki, bunu Türkiyənin keçmiş milli müdafiə naziri, hazırda Türkiyə parlamentinin deputatı Hulusi Akar deyib.

HTŞ-nin əks-hücumu ilə bağlı mövqeyini açıqlayan millət vəkili Akar bildirib ki, qruplaşmanı uzaqdan tanıyırlar, onlar özbaşına hərəkət edirlər, onlara göstəriş verənlər ola bilər.

"Ukrayna müharibəsi ilə əlaqədar Rusiyada yorğunluq və passivlik hökm sürür. Rejim əleyhdarı qruplar passivlikdən istifadə edirlər", - deputat əlavə edib. 

Sabiq nazir bildirib ki, Suriyadakı prosesləri yaxından izləmək və boşluqlara yol verməmək vacibdir: "Bizim heç kimin torpağında gözümüz yoxdur. Biz yeni qaçqınlar istəmirik. Bunu onlara dedik. Bu şəraitdə münasibətlər daha da çətinləşdi. Rusiya və İranda etimadsızlıq mühiti artıb. Çoxşaxəli hadisələr var. Bunun yalnız HTŞ-dən qaynaqlandığını söyləmək mümkün deyil. Kimin qalib, kimin uduzduğuna baxmaq lazımdır. Rusiya, İran, Suriya uduzur. Bizim işimiz öz təhlükəsizliyimizdir. Heç bir güzəştə getməmək və heç bir boşluq buraxmamaq lazımdır”.

Mürtəza
Ölkə.Az