Malidə son vəziyyət

50 fransalı jandarm Maliyə yollanıb

Ölkə.Az "France Info"ya istinadən xəbər verir ki, Malidə "Radisson Blu" otelinə keçirilən əks-hücum nəticəsində 100-ə yaxın girov azad edilib.

Son məlumata görə, 9 nəfər dünyasını dəyişib. 2 nəfər polis əməkdaşı və 17 girov yaralanıb.

Bildirilir ki, 50 fransalı jandarm yerli təhlükəsizlik qüvvələrinə yardım məqsədilə Maliyə yollanıb.

Xatırladaq ki, Malinin paytaxtı Bomako şəhərində silahlı şəxslər “Radisson” otelində 170 nəfəri girov götürüblər. Girovlardan 140-ı qonaq, 30-u isə hotel əməkdaşıdır.

Silahlılar hotelə “Allahu - Əkbər” qışqıra-qışqıra daxil olublar. Hüquq-mühafizə orqanlarının qüvvələri hoteli mühasirəyə alıblar.

Yerli təhlükəsizlik xidmətinin nümayəndəsi hoteldə 10-a yaxın silahlı şəxsin olduğunu bildirib.

Rəşid Mustafazadə

Ölkə.Az