"Putin şeytanın təsirinə düşüb"

Ölkə.Az Ukrayna mətbuatına istinadən xəbər verir ki, bu barədə patriarx Filaret bəyanatında danışıb.  

O, Putinin Rusiya və Ukrayna arasında yaşananları Habil və Qabil qardaşlarının əhvalatı ilə müqayisə edərək bildirib ki, Putin qardaş qatili kimi şeytanın təsirinə düşüb. 

Filaret Rusiya prezidentini Ukrayna hadisələrinə münasibətində həyasızca yalan danışmaqda ittiham edib.

"Bu hökmdar həyasızcasına söyləyir ki, onun başçılıq etdiyi dövlət Ukraynada münaqişənin tərəfdarı deyil, halbuki məhz o bu münaqişənin alovlanması üçün hər şey edib", - deyə dini lider qeyd edib.

Filaret xatırladıb ki, dəfələrlə Putini şər əməllərdən əl çəkməyə çağırsa da, heç bir nəticə olmayıb.