Putin Yanukoviçə Rusiya vətəndaşlığı verdi

Rusiya prezidenti Vladimir Putin Ukraynanın devrilən prezidenti Viktor Yanukoviçə və keçmiş baş nazir Nikolay Azarova bu ölkənin vətəndaşlığını təqdim edib

Bu haqda Ukraynanın daxili işlər nazirinin müşaviri Anton Qeraşenko bildirib: 

“Azarovlar ailəsi hansı əsasla Rusiya Federasiyası ərazisində qalır? Qaydaya görə Rusiya vətəndaşı olmayan şəxs ölkə ərazisində 90 gündən çox qala bilməz. Sonra gedib-gələ bilər, ancaq bu halda da 180 gündən çox qalmamalıdır”. 

Onun sözlərinə görə, Yanukoviçin və Azarovun ailəsi Putinlə onlara Rusiya vətəndaşlığı verilməsi ilə bağlı razılığa gəliblər, onlar da özlərini rahat və toxunulmaz hesab edirlər.

Qeraşenko qeyd edib ki, operativ mənbədən əldə etdiyi məlumata görə, keçmiş məmurlara vətəndaşlıq Rusiya prezidentinin xüsusi gizli qərarı ilə verilib: “Onlar Ukraynanın maraqlarını satdıqlarına görə mükafatlandırılıblar”.

Mart ayında Ukrayna hakimiyyəti Rusiya ərazisində olan Yanukoviçin ekstradasiyası üçün sənəd hazırlayaraq İnterpol-a onun beynəlxalq axtarışa verilməsi ilə bağlı müraciət edib. O, Kiyevdə keçirilən etiraz aksiyası iştirakçılarının kütləvi qırğınında, Donetsk və Luqansk vilayətlərində Ukrayna hakimiyyətinə qarşı çıxan terrorçuları maliyyələşdirməkdə ittiham olunur./Modern.az/

Ölkə.Az