"Bill Qeyts müflis ola bilər" - Elon Mask

“Tesla”nın sahibi və baş direktoru Elon Mask özünün “X” sosial şəbəkəsində dünyanın ən varlı insanlarından biri olan Bill Qeytsin müflis ola biləcəyini yazıb.

Ölkə.az Sfera.az-a istinadən xəbər verir ki, Maskın iddiasına görə, əgər “Tesla” dünyanın ən dəyərli şirkəti olarsa, “Microsoft”un həmtəsisçisi Bill Qeyts müflis olacaq.

Qeyd edək ki, Mask və Qeyts arasında ciddi rəqabət var. Hazırda “Tesla”nın bazar dəyəri 1,251 trilyon dollardır. Dünyanın ən dəyərli şirkəti isə “Apple”dir. “Apple”nin bazar dəyəri 3,729 trilyon dollardır. “Tesla”nın ən böyük şirkətə çevrilməsi üçün onun dəyəri 3 dəfə artmalıdır.

Hazırda Mask dünyanın ən varlı adamıdır və onun sərvətinin dəyəri 376 milyard dollardır. Qeyts isə 166 milyard dollarlıq sərvətlə zənginlər siyahısında altıncı yerdədir.