Başağrısı ilə həkimə getdi, həyatının şokunu yaşadı - FOTO

Kahramanmaraşda yaşayan 36 yaşlı Fatma Kala başağrısı şikayəti ilə həkimə getdiyi xəstəxanada həyatının şokunu yaşayıb. 

Ölkə.Az xəbər verir ki, Fatmal Kala xəstəxanada müayinələr nəticəsində qarnında 16 santimetrlik qayçı olduğunu öyrənib. 

Həkimlər xəstədən əvvəllər əməliyyat olub-olmadığını soruşub. Fatma 7 il əvvəl kist əməliyyatı keçirdiyini  qeyd edib.

Cərrahi əməliyyat nəticəsində Fatma Kalanın özündən xəbərsiz 7 ildir qarnında gəzdirdiyi qayçı uğurlu əməliyyatla çıxarılıb. 

Fatma Kala bununla bağlı prokurorluğa şikayət edərək 7 il əvvəl kist əməliyyatı etdirən həkimə qarşı cinayət işinin başlanmasını tələb edib və hazırda bununla bağlı cinayə işi başlanıb.

Mürtəza
Ölkə.Az