Gürcüstan Prezidenti əhalini etiraz aksiyasına çağırdı

Paytaxtda keçirilən aksiyada təxribat baş verərsə, məsuliyyət şəhər merinin üzərinə düşəcək. 

Ölkə.Az xəbər verir ki. belə bir bəyanatla Gürcüstan prezidenti Salome Zurabişvili  Birinci kanala müsahibəsində deyib.

“Bunun nə demək olduğunu, bunun nə üçün edildiyini və bu tədbirin dekabrın 14-də saat 7-də parlament binasının qarşısında nə məqsədlə təşkil edildiyini hamımız çox gözəl anlayırıq. Uşaqları ora gətirmək məsləhət görülmür. Şəhər merinə xəbərdarlıq etmək istəyirəm ki, onun bu təxribatı heç bir nəticə verməyəcək. Çünki sabah və o biri gün şəhərdə aksiya çox dinc keçəcək və yəqin ki, özləri də bu təxribatın qarşısını ala biləcəklər”, - Zurabişvili bildirib.

Qeyd edək ki, bu gün Gürcüstan parlamentində yeni prezident seçiləcək. İlk dəfə olaraq prezident birbaşa vətəndaşlar tərəfindən deyil, seçicilər kollegiyası tərəfindən seçiləcək. Bu posta yeganə namizəd hakim “Gürcü arzusu”nun təmsil etdiyi Mixail Kavelaşvilidir. Müxalifət parlamentin işində iştirak etmir və öz namizədlərini irəli sürməyib.
 
Mürtəza
Ölkə.Az