Əgər Suriya üçün bu 7 şərtə əməl edilərsə...

"Heyət Təhrir əş-Şam" və Suriya müxalifəti BƏƏS rejimini devirərək hakimiyyəti ələ keçirsələr də, Suriya hələ də ölkə daxilindəki terror təşkilatlarından və müxtəlif dövlət güclərindən azad edilməyib.

"Ölkə.az" xəbər verir ki, bu barədə “Yeni Şəfəq” qəzetinin yazarı Əli Saydam bildirib.

O, Suriya hökuməti və xalqının azadlıq əldə etməsi üçün atılması lazım olan addımları sayıb:

"Suriyanın şimalında yerləşən YPG və PKK terror təşkilatları Menbiç və Tel-Rıfat kimi vilayətlərdən təmizlənib. ABŞ rəhbərliyi bölgədən çəkilsə, YPG və PKK-ya yardımlarını dayandırsa, terror təşkilatları da silahlarını yerə qoymağa razılaşarsa, o zaman Suriyanın bərpası istiqamətində böyük addım atılacaq.

İsrail hökumətinin əsrlər boyu vurğuladığı “Vəd edilmiş torpaq” ideologiyasından əl çəkərsə, Suriya xalqının ərazi bütövlüyü təmin olunacaq.

Tramp vəzifəyə başlamazdan əvvəl Suriya problemləri ilə bağlı açıqlama verərək “Suriya məsələləri bizə aid deyil” deyib. Əgər Tramp vədinə xilaf çıxsa və yenidən Suriyada gərginlik yaradan ifadələr işlətsə, bölgədə yenidən qarışıqlığın yaranması ehtimalı yüksəkdir.

HTŞ lideri Əbu Məhəmməd Colaninin müvəqqəti dövlət idarəçiliyində Suriya iqtisadiyyatı dirçəlsə və ölkədə dağıdılmış yerlər bərpa olunarsa, xalqın rifah səviyyəsi yüksələcək.

Suriyada sünni ərəblər, xristianlar, ələvilər, türkmanlar və ermənilər kimi bir çox fərqli etnik qruplar bir yerdə yaşayır. Etnik qruplar arasında parçalanma yaşanmaması ölkənin sülhü və inkişafı üçün böyük əhəmiyyət kəsb edir.

İllərdir bölgədə “mən varam” demə siyasətini mənimsəyən Rusiya bütün diqqətini Ukrayna müharibəsinə yönəltdi və Əsədi tək buraxdı. İran Livan Hizbullahı ilə İsrail arasındakı qarşıdurmalar nəticəsində Suriyaya dəstək göndərə bilmədi. Suriyadakı ən mühüm iki ünsür bölgədəki təsirlərini tamamilə itirsə, Suriya xalqı özünü idarə edə və müstəqillik qazana bilər.

Bölgədə əsas rol oynayan Türkiyə Suriya vətəndaşlarını dəstəkləməyə davam edərsə, indiyə qədər həyata keçirdiyi siyasətlərdən əl çəkməzsə, Suriyanın ərazi bütövlüyünə və yenidən qurulmasına dəstək verərsə, yeni administrasiya ilə müsbət əlaqələrini artırarsa, Suriya hökuməti və insanlar azad olacaqlar".(axar.az)