Məşhur general Kirillov köməkçisi ilə birgə öldürüldü - VİDEO

Moskvada baş verən partlayış nəticəsində Rusiya Silahlı Qüvvələrinin radiasiya, kimyəvi və bioloji müdafiə qoşunlarının rəisi, general-leytenant İqor Kirillov həlak olub. 

Ölkə.Az xəbər verir ki, hadisə dekabrın 17-də, səhər yerli vaxtla saat 06.00 radələrində Ryazanski prospektində baş verib. 

General-leytenant İqor Kirillov və onun köməkçisi Ryazanski prospektindəki evin girişindən çıxarkən əldəqayırma partlayıcı işə düşüb. 

Məlumata görə, bomba ya skuterə bərkidilib, yaxud da quraşdırılıb. 

Fövqəladə hallar xidmətinin məlumatına görə, partlayıcı qurğunun gücü təxminən 200 qram trotil olub.

RF Fövqəladə Hallar Nazirliyindən bildirilib ki, yaşayış binasında baş verən partlayış nəticəsində birinci mərtəbədən üçüncü mərtəbəyə qədər pəncərələr sınıb, giriş qapısı zədələnib. 

“Baza”nın məlumatına görə, generalın xidməti maşınına ziyan dəyib.

İstintaq Komitəsi hadisə ilə bağlı cinayət işi açıb, Moskva prokurorluğu işi nəzarətə götürüb.

Mürtəza
Ölkə.Az