Fahişəlik edən gürcü dövlət işçiləri saxlanıldı

Rizənin Fındıqlı rayon Polis İdarəsi Əxlaq Büro Rəisliyi briqadaları təxminən üç aydır davam etdirilən təqibdən sonra təyin olunan otel və gecə klublarında əməliyyat keçirib.

Ölkə.Az modern.az-a istinadən xəbər verir ki, əməliyyatda fahişəliyə vasitəçilik etdikləri iddiasıyla bir gürcü əsilli qadın və iki otel əməkdaşı ilə fahişəlik etdikləri irəli sürülən 6 gürcü əsilli qadın saxlanılıb.

Tibbi müayinədən sonra polisə aparılan əcnəbi əsilli qadınların bəzilərində yoluxucu xəstəlik riski olduğu öyrənilib. Əcnəbi qadınlar deportasiya əməliyyatları üçün Vilayət Miqrasiya İdarəsinə göndərilib, digər şübhəlilər isə Pazar Ədliyyəsinə sövq ediliblər.

Digər tərəfdən, gürcü qadınlardan bəzilərinin ölkələrində dövlət işçisi olduqları öyrənilib.

Ölkə.Az