Nigeriyada 32 uşaq öldü, çoxlu insan yaralandı - Video
Nigeriyanın cənubundakı Oyo əyalətinin paytaxtı İbadanda təşkil edilən yarmarkada yaranan izdiham nəticəsində 32 uşaq həyatını itirib.
Ölkə.Az xəbər verir ki, Oyo informasiya komissarı Şahzadə Dotun Oyelade verdiyi yazılı açıqlamada dünən əyalətin paytaxtı İbadanda təşkil edilən xüsusi yarmarkada izdiham yaşandığını bildirib.
Oyelade izdihamda 32 uşağın həyatını itirdiyini, çox sayda uşağın isə yaralandığını açıqlayıb.
Yaralıların ətraf xəstəxanalara çatdırıldığını bildirən Oyelade hadisə ilə bağlı istintaqın davam etdiyini bildirib.
Oyo Qubernatoru Seyi Makinde açıqlamasında hadisə ilə bağlı istintaq başladıldığını və yarmarkanın təşkilatçılarının saxlanıldığını bildirib.
Mürtəza
