"Yaxın 10 ildə bəşəriyyət Marsa köçəcək"
Elon Mask: "Marsda milyonluq əhalisi olan koloniya yaradılmalıdır"
Ölkə.Az xarici mətbuata istinadən xəbər verir ki, bu fikirləri dünyaca məşhur milyarder Elon Mask söyləyib.
Tesla Motors və Space Exploration Technologies Corporation (SpaceX) şirkətlərinin əsasını qoyan milyarder Elon Mask "Qırmızı planetin" koloniyalaşdırılması ideyasını irəli sürməyə davam edir.
Maskın fikrincə, 10-12 il ərzində Marsa pilotlu uçuşlar həyata keçirmək mümkün olacaq.
"Hazırda SpaceX-in əsas istiqamətlərindən biri Marsa növbəti onillikdə insanların göndərilməsini mümkün edən texnologiyaların inkişaf etdirilməsidir", - deyə milyarder bildirib.
Tesla və SpaceX-in rəhbəri əminliklə vurğulayır ki, bəşəriyyət üçün Marsda çoxmilyonlu meqapolislər qurmaq olduqca vacibdir.
Söhbət milyonluq əhalisi olan koloniyadan gedir. Bu cür şəhər Yer kürəsində baş verə biləcək hər hansı qlobal və qarşısı alınmaz faciələr zamanı bəşəriyyəti qorumağa xidmət edəcək. Bu cür faciələr isə asterodin düşməsindən tutmuş ölümcül epidemiyalara qədər - hər şeydən ola bilər.
Rəşid Mustafazadə
Ölkə.Az
