Qaçqınlar Makedoniyaya buraxılmır

Pakistan, Sudan, Konqo, Mərakeş, Banqladeş vətəndaşları daha çoxdur

Ölkə.Az xəbər verir ki, 700-dən çox qaçqın Yunanıstandan Makedoniyaya buraxılmır.

Məlumata görə, ölkə ərazisinə yalnız Suriya, İraq və Əfqanistandan olan qaçqınlar buraxılır. Digərləri isə Makedoniya hökumətindən "iqtisadi qaçqın" statusu alaraq rədd cavabı alıblar. Onların arasında Pakistan, Sudan, Konqo, Mərakeş, Banqladeş vətəndaşları üstünlük təşkil edir.

Qeyd edək ki, ABŞ-ın 22 ştatının qubernatorları Parisdəki terror aktından sonra suriyalı qaçqınlardan imtina edib.

13 noyabrda Fransanın paytaxtı Parisdə törədilən terror aktları nəticəsində 153 nəfər ölüb, azı 200 nəfər yaralanıb. İŞİD terror təşkilatı Parisdə baş verən terror aktlarına görə məsuliyyəti öz üzərinə götürüb. İŞİD hücumları Suriya üçün "Vendetta" adlandırıb.

Rəşid Mustafazadə

Ölkə.Az