15 və 17 yaşlı ingilis qızları İŞİD-ə qoşuldu
İŞİD-in sıraları günü-gündən artır.
Ölkə.Az Türkiyə mətbuatına istinadən xəbər verir ki, ailəsinə xəbər vermədən İngiltərədən Türkiyəyə gedən 15 yaşlı Yüsra Hüseynin İŞİD-ə qoşulduğu ehtimal olunur.
İngiltərənin Bristol şəhərində yaşayan 15 yaşlı Yüsra Hüseyndən xəbər ala bilməyən ailəsi polisə müraciət etməyə məcbur olub.
Aparılan araşdırmaların ardından 15 yaşlı gənc qızın Bristoldan Londona getdiyi və burada 17 yaşında bir İngilis qızla görüşüb birlikdə Türkiyəyə təyyarə ilə getdikləri müəyyən edilib.
15 yaşlı Yüsra Huseyn və 17 yaşlı digər qızın İraq Şam İslam Dövlətinə (İŞİD) qatılmaq üçün evdən qaçdıqları bildirilir.
Yüsra Çərşənbə günü ailəsinə məktəb gəzintisinə qatılacağını söyləyərək evdən çıxıb və bir daha geri qayıtmayıb. İstanbula gələn qızların Suriya sərhədini keçib keçmədikləri haqqında hələlik heç bir məlumat yoxdur.
Xatırladaq ki, bu ilk belə hal deyil. Bu ana qədər 50 İngilis qadını İŞİD sıralarına qatılmaq üçün ölkəni tərk edib.
Rəşid Mustafazadə
Ölkə.Az
