ABŞ təyyarəsinin təkər yuvasından meyit tapıldı

ABŞ-nin Çikaqodan Maui şəhərinə uçan “United Airlines” təyyarəsi yerə endikdən sonra təkər yuvasında meyit tapılıb.

Ölkə.Az xarici KİV-ə istinadla xəbər verir ki, ötən gün  günortadan sonra “Kahului” hava limanına enən UA202 reysinin yoxlanışı zamanı əsas eniş qurğusunun təkər yuvasınnda cəsədin olduğu müəyyən edilib.
“United Airlines”in açıqlamasına görə, təkər yuvasına haçan və necə girdiyi məlum deyil.
“Aviaşirkətin bəyanatında deyilir: “Çərşənbə axşamı günü Mauidəki Kahului hava limanına endikdən sonra əsas eniş aparatlarından birinin təkər quyusunda cəsəd tapılıb. "Bu əraziyə yalnız təyyarədən kənardan daxil olmaq mümkündür”- məlumatda deyilir.

Maui Polis İdarəsi hadisə ilə bağlı araşdırmalara başlayıb.