Böyük müharibəyə hazırlıq: Çox az qaldı

Rusiya aylardır, Ukraynanın şərqindən və cənubundan Kiyevə qədər ərazini işğal etməyi hədəfləyən böyük hücum planına hazırlaşır.

Ölkə.Az xəbər verir ki, bu barədə Mərkəzi Kəşfiyyat İdarəsinin məlumatında deyilir. 

NATO baş katibi Mark Rutte də bu günlərdə bəyan edib ki, Rusiya Ukraynanı xəritədən silməyə çalışacaq və müharibənin coğrafiyasını genişləndirərək  Avropanın digər ölkələrinə keçirməkdə qərarlıdır.

Bu səbəbdən də Avropa ölkələrinin Baş Qərargah kabinetləri və baş nazirləri bir ilə yaxındır ki, öz vətəndaşlarına "Rusiya ilə mümkün müharibəyə hazır olun" xəbərdarlığını edirlər .

Rusiyanın tanınmış hərbi ekspertlərindən olan Mixail Kodareno da bildirib ki, Moskva qarşıdakı aylarda müharibənin nəticəsini müəyyən edəcək böyük hücuma keçəcək. 

ABŞ Mərkəzi Kəşfiyyat İdarəsinə (CIA) yaxınlığı ilə tanınan beynəlxalq müdafiə nəşri "The War Zone" (TWZ) tərəfindən kəşfiyyat və hərbi mənbələrdən əldə edilən məlumata görə, bu hücum çox yaxında baş verə bilər.

Mürtəza
Ölkə.Az