Fransızların Makrona inamı ən aşağı həddə düşüb

Fransa xalqının Prezident Emmanuel Makrona inamı "sarı jiletlilər"lə bağlı iğtişaşlardan sonra ən aşağı səviyyəyə düşüb.

"Ölkə.az" xəbər verir ki, bu barədə "Toluna Harris Interactive" tədqiqat şirkəti LCI telekanalı üçün keçirdiyi sorğunun nəticələrinə istinadən məlumat yayıb.

Məlumata görə, bu gün Makrona etimad səviyyəsi 32% təşkil edir. "Sarı jiletlilər" hərəkatının başlanğıcında bu göstərici 31% olub.

Qeyd olunur ki, etimadsızlıq dərəcəsi baxımından əhalinin 42%-i "prezidentə qətiyyən etibar etmir". Bu, xüsusilə 50-64 yaş aralığındakı şəxslərdə özünü büruzə verir. Yalnız bu qrupda mütləq çoxluq (51%) "Makrona qətiyyən inanmır" və onların arasında inamsızlığın artması (+18%) müşahidə olunur.

Sorğu dekabrın 24-dən 26-dək 18 yaşdan yuxarı 1 104 fransız arasında nümayəndəli seçmə üzrə aparılıb.(oxu.az)