ABŞ-nin 39-cu prezidenti Cimmi Karter ölüb

ABŞ-nin 39-cu prezidenti Cimmi Karter 100 yaşında bazar günü vəfat edib. 

Ölkə.Az xəbər verir ki, Karter 2015-ci ilin avqustundan qaraciyər xərçəngindən əziyyət çəkirdi.
Bu səbəbdən də keçmiş prezident Karter özü könüllü olaraq 2023-cü ilin fevralında hospisə (ümidsiz (onkoloji) xəstələrin əziyyətini yüngülləşdirmək üçün şərait yaradılan tibb müəssisəsi, klinika) daxil olub. 

Karter ailəsində irsi xərçəng xəstəliyi var. Onun keçmiş prezident atası, anası, qardaşı və iki bacısı xərçəng xəstəliyindən dünyasını itirib.

Karter 1924-cü ildə Corciya ştatının Plains şəhərində anadan olub. 

Karter ABŞ Hərbi Dəniz Akademiyasında təhsil alıb. O, İkinci Dünya müharibəsindən sonra Hərbi Dəniz Qüvvələrində sualtı gəmi olaraq xidmət edib və leytenant rütbəsinə qədər yüksəldi.

1953-cü ildə atasının ölümündən sonra Karter Hərbi Dəniz Qüvvələrini tərk edib.

1962-ci ildə Karter Corciya Senatına seçilib və 1966-cı ildə uğursuz qubernator namizədliyindən sonra 1971-ci ildə ştatın qubernatoru olub.

Karter Demokrat Partiyasının liderlərindən biri olub və 1976-cı ildə prezident Cerald Forda qarşı prezident seçkilərində qalib gəlib.

Mürtəza
Ölkə.Az