Rusiyanın döyüş helikopteri vuruldu

Rusiyaya məxsus döyüş helikopterinin Latakiya yaxınlığında vurulduğu haqda xəbər yayılıb.

Ölkə.az Reuters agentliyinə istinadən xəbər verir ki, Rusiya hərbi hava qüvvələrinin Suriyada daha bir helikopteri vurulub.

Agentlik bildirir ki, rus helikopteri tank əleyhinə raketlə vurulub və ciddi zədə aldıqdan sonra Latakiya aerodromuna qəza enişi etmək məcburiyyətində qalıb.

Xatırladırıq ki, helikopter Rusiya qırıcısının türklər tərəfindən yerə salınmasından bir neçə saat sonra vurulub. Vurulan helikopterin rus pilotların axtarışına çıxdığı güman edilir.

Ölkə.az