Zelenski onu əks-kəşfiyyat idarəsinin rəisi təyin etdi

Ukrayna prezidenti Vladimir Zelenski Daxili İşlər Nazirliyinin zabiti Andrey Tupikovu Ukrayna Təhlükəsizlik Xidmətinin (UTX) əks-kəşfiyyat idarəsinin rəisi təyin edib.

"Ölkə.az" xəbər verir ki, müvafiq fərman Ukrayna Prezident Aparatının saytında dərc olunub.

Tupikov haqqında onun əvvəllər Ukrayna Daxili İşlər Nazirliyində (DİN) mayor rütbəsi ilə xidmət etdiyi məlum olub. 2015-ci ildə döyüşdə göstərdiyi şəxsi şücaətə görə Daniil Qalitski ordeni ilə təltif edilib.

Tupikov təyinata qədər Ukrayna Milli Qvardiyasının Baş İdarəsinin xüsusi əməliyyatlar şöbəsinin analitik xidmətinin rəhbəri vəzifəsini tutub.

Onun yaxın vaxtlarda vəzifəsinin icrasına başlayacağı gözlənilir.

Zelenski dekabrın 31-də Kiyev Şəhər Hərbi Administrasiyasının (KGVA) rəhbərliyində kadr dəyişikliyi edib. Dövlət başçısı bir sərəncamla Sergey Popkonu KGVA-nın rəhbəri vəzifəsindən azad edib, digəri ilə isə bu vəzifəyə əvvəllər İcmaların və Ərazilərin İnkişafı nazirinin müavini vəzifəsindən azad etdiyi Timur Tkaçenkonu təyin edib.

Elvin

Ölkə.az