Zaxarovadan sərt cavab: "Bu, bizə maraqlı deyil"

Ruslar üçün xaricdəki insanların onlar haqda nə düşündüyü maraqlı deyil.

Ölkə.az Teleqraf.com-a istinadən xəbər verir ki, bunu Rusiya Xarici İşlər Nazirliyinin sözçüsü Mariya Zaxarova deyib.

"Onların orada rusofobluq edib etməmələri artıq bizi maraqlandırmır. Biz sizi əsəbiləşdiririk? Qəzəblənməkdə davam edirsiniz? Anlayışla qarşılayırıq. Ancaq bu hal məntiq çərçivəsindən kənara çıxsa, belə olmayacaq”, - deyə XİN rəsmisi bildirib.

Zaxarova Rusiyanın başqa prioritetlərinin olduğunu diqqətə çatdırıb.

Qeyd edək ki, sözügedən məsələ ilə bağlı daha əvvəl fikir bildirən Rusiya Təhlükəsizlik Şurasının sədr müavini Dmitri Medvedyev bildirib ki, çılğın yaşlı qadını xatırladan Avropa dünyada rusofobiyanın əsas qalasına çevrilib.