16 yaşında itkin düşdü, 52 il sonra tapıldı

İngiltərədə 16 yaşında olarkən itkin düşən Şeyla Foks adlı qadın 52 il sonra tapılıb.

Ölkə.Az xarici KİV-ə istinadla xəbər verir ki, hazırda 68 yaşlı Şeyla Foks 1972-ci ildə 16 yaşında olarkən Koventridən yoxa çıxıb.

Həmin vaxt Qərbi Midlands polisi ailəsi ilə yaşayan Foksun bir kişi ilə münasibətdə olduğunu açıqlayıb. Onun kişiyə görə ərazini tərk etdiyi düşünülsə də, bu illər ərzində heç bir konkret sübut əldə edilməyib.

Bazar günü polis Foksu tapmaq üçün yenidən əhaliyə müraciət edərək onun yoxa çıxdığı vaxtda çəkilmiş fotoşəkilini öz saytında və sosial şəbəkələrdə paylaşıb.

Fotolar işə yarayıb və Şeylanın sağ-salamat olduğu üzə çıxıb.

"Camaat sayəsində onu tapdıq", - deyə polisdən bildirilib.

Beləliklə, Qərbi Midlands polisi ən uzun müddət davam edən itkin düşmüş şəxslərlə bağlı araşdırmaya yekun vurub.

Billurə