Hərbi karvana hücum: 6 ölü

İki terrorçu-kamikadze özlərini əsgərləri daşıyan avtobusların yaxınlığında partladıblar.

Ölkə.az "France-Presse" agentliyinə istinadən xəbər verir ki, Əfqanıstanın paytaxtı Kabildə iki terrorçu əsgərləri daşıyan avtobuslara intihar hücumu təşkil ediblər.

Terror aktı nəticəsində 6 nəfərin öldüyü bildirilir. Aksiyanın məsuliyyətini "Talinban" qrupu öz üzərinə götürüb.

Xatırladırıq ki, terror aktı ABŞ və Əfqanıstan arasında qoşunların çıxarılması haqdakı müqavilənin bağlanmasından bir gün sonra baş verib. 

ABŞ və Əfqanıstan hökuməti arasında bağlanmış müqaviləyə əsasən Pentaqon bu ilin sonunadək öz qoşunlarını bu ölkənin ərazisindən çıxarmalıdır.

Ölkə.az