İtən qadının aqibəti "google maps" sayəsində bilindi - Foto

Belçikada itən Alzheimer xəstəsi qadının aqibəti “Google Maps” şəkilləri sayəsində bəlli olub.

Ölkə.Az xarici KİV-ə istinadla xəbər verir ki, 83 yaşlı Paulette Landrieuks 2020-ci ildə Belçikanın Andenne şəhərindəki evinin bağçasından yoxa çıxıb.

Onun əri Marsel Taret həmin vaxt paltar asırdı. Dönəndə arvadının orada olmadığını görüb. Marselin polisə müraciətindən sonra helikopter və hətta itlər vasitəsilə axtarışlar aparılsa da, yaşlı qadını tapmaq mümkün olmayıb.
Arvadının axtarışlarını dayandırmayan Taret onun haqqında məlumatları qəsəbə xalqına da çatdırıb.

2022-ci ildə Taretin qonşusu “google maps” görüntülərini əldə edib. Həmin görüntülərdə qadının itdiyi gün evdən çıxaraq meşəyə doğru getdməsi öz əksini tapıb. Bu barədə polisə məlumat verilib. Qadının getdiyi yol izlənilib və onun cansız bədəni tapılıb. 

Onun cəsədi sıldırım yamacda kolların arasında aşkarlanıb. Mütəxəssislər qadının orada sıxışdığını və köməksiz vəziyyətdə qaldığı üçün öldüyünü ehtimal edir.

Billurə