Litva bu məhsulların ixracına qadağaya görə ildə 250 milyon avro itirəcək
Litvada yanvarın 1-dən qüvvəyə minən ikili təyinatlı məhsulların üçüncü ölkələrə ixracına qoyulan qadağa Baltikyanı respublikada biznesi 2025-ci ildə 250 milyon avro itki ilə təhdid edir.
Ölkə.az-ın report-a istinadən məlumatına görə, bunu jurnalistlərə ölkənin iqtisadiyyat və innovasiyalar naziri Lukas Saviçkas deyib.
"Yeni ixrac məhdudiyyətləri Litva bizneslərinin təxminən 250 milyon avro gəlir əldə etməməsinə səbəb ola bilər", - o deyib.
Dekabrda keçirilən parlament seçkilərindən sonra istefa verən əvvəlki Nazirlər Kabineti ikili təyinatlı malların siyahısını bir neçə minə qədər genişləndirib və onların Rusiyaya göndəriləcəyindən ehtiyatlanaraq üçüncü ölkələrə ixracını qadağan edib.
Üçüncü ölkələr dedikdə, Avropa İttifaqının üzvü olmayan və Avropa iqtisadi məkanının üzvü olmayan dövlətlər nəzərdə tutulur.
