Fransada məhbus türmədə insanları girov götürdü

Fransanın cənubundakı Arles şəhərində həbsxanada əsir götürlən 5 girovdan biri azad edilib. "Ölkə.az" xəbər verir ki, bu barədə BFMTV məlumat yayıb.

Qeyd olunur ki, azad edilən tibb işçisidir.

"Hazırda bir tibb işçisi sərbəst buraxılıb", - məlumatda deyilir.

Hadisə yerində polis və təcili yardım qrupları işləyir.

Yanvarın 3-də məlum olub ki, Fransanın cənubunda yerləşən Arles şəhərindəki həbsxanada bıçaqlı silahla silahlanmış məhbus həbsxananın tibb xidmətinin bir neçə əməkdaşını və nəzarətçisini girov götürüb. Mənbələr məhbusun psixi problemlərinin olduğunu da iddia edir.

1990-cı illərdə açılan Arles həbsxanası 159 məhbus tutumuna malikdir. Hazırda orada 137 nəfər cəza çəkir.