ABŞ-dan türkmənlərə böyük dəstək

ABŞ: Türkmənlərin özlərini qorumaq hüququ var

ABŞ Dövlət Departamentinin sözçüsü Mark Toner Türkiyə-Suriya sərhədində rus qırıcısının vurulması məsələsini şərh edib.

Ölkə.az xəbər verir ki, Dövlət Departamentinin rəsmisi Türkiyənin qanun çərçivəsində hərəkət etdiyini bildirib. O, qeyd edib ki, hava sərhədləri pozulmuş Türkiyənin reaksiyası anlamla qarşılanmalıdır.

"Türkmənlərə gəldikdə isə, Suriyanın Bayırbucak bölgəsində yaşayan türkmənlər Əsəd gücləri və rus hərbçiləri tərəfindən hücuma məruz qalırlarsa, onların özlərini qorumaq haqları var", deyə Mark Toner sözlərinə əlavə edib.

Xatırladırıq ki, dünən Türkiyə qırıcılarının ölkənin hava məkanına daxil olmuş rus hərbi təyyarəsini vurması bütün dünyanın gündəmini alt-üst edərək siyasi kulislərin ən vacib müzakirəsinə çevrilib. Hazırda Moskva ilə Ankara arasında diplomatik gərginlik artmaqdadır.

Ölkə.az