Canan Karatay hakim qarşısına çıxarılacaq

Xəstələrinə yanlış müalicə tətbiq etməkdə ittiham olunan məşhur həkim Canan Karatay yanvarın 9-da hakim qarşısına çıxacaq.

Ölkə.az Milli.Az-a istinadla xəbər verir ki,  Canan Karatayın həmkarları ona qarşı "Karatay Qurbanları Platforması" yaradıb və zərərçəkmişlərə şikayət etməyə çağırıb.

İddialara görə, Canan Karatay Ceyhun Ülker adlı xəstəsinə "az dərman, bol duz" tövsiyə edib, bu da onun böyrəklərinin sıradan çıxmasına səbəb olub. Ceyhun Ülkerin həyat yoldaşı bildirib ki, həyat yoldaşının böyrəklərində heç bir problem yox idi, lakin müalicə sonrası o, böyrək problemi yaşayıb və xərçəngdən dünyasını dəyişib.

Karatayın müalicə metodları, xüsusilə "qaya duzu" və vitaminlərin həddindən artıq istifadəsi ilə bağlı tənqidlər mövcuddur. Həkimlər xüsusilə hipertoniya və xolesterol xəstələrinin səhv müalicə nəticəsində problemlər yaşadığını bildirərək, şikayət etməyə çağırırlar.

Canan Karatay isə özünə qarşı irəli sürülən ittihamlarla bağlı açıqlama verib və 2020-ci ildən bəri həmin xəstəni görmədiyini bildirib. O, səhv müalicə ilə bağlı ittihamları "gülünc" adlandırıb və özünün həkimlik peşəsindən qovulmasının mümkün olmadığını vurğulayıb.