Rahibə dünyanın ən yaşlı insanı oldu: onun neçə yaşı var?

Yapon qadın Tomiko İtokinin ölümündən sonra dünyanın ən yaşlı insanı titulu braziliyalı İnah Kanabarro Lukasa keçib. Onun yaşı 116 il 210 gündür.

Ölkə.az Lent.az-a istinadən bildirir ki, bu barədə Ginnesin Rekordlar Kitabı məlumat yayıb.

İnah 1908-ci il iyunun 8-də Braziliyanın San-Fransisko-de-Assis şəhərində anadan olub. Uşaqlıqda səhhətinin pis olmasına baxmayaraq, o, uzun ömür sürüb. 16 yaşında Kanabarro and içib və rahibə olub.

1930-cu ildə İnah Braziliyaya qayıdıb və burada müxtəlif şəhərlərdəki məktəblərdə portuqal dili və riyaziyyat müəllimi işləyib. Onun karyerası 1980-ci ildə Porto-Aleqridə başa çatıb. 2018-ci ildə 110 yaşı tamam olanda qadın Papa Fransiskdən apostol xeyir-duasını alıb.

İnah Kanabarro Lukas, 118 yaşında vəfat edən Lyusil Rendondan sonra tarixin ən yaşlı ikinci rahibəsidir. Məlumata görə, o, 1908-ci ildə anadan olan sonuncu insan ola bilər.