Türkiyə ordusu İŞİD-ə qarşı

Türkiyə ordusu İraq və Suriyada hərbi əməliyyatlar keçirməyə hazırlaşır.

Ölkənin baş naziri Əhməd Davudoğlu Türkiyə Silahlı Qüvvələrinə xarici ölkələrdə hərbi əməliyyatları aparmağı nəzərdə tutan qanun layihəsini parlamentə göndərib.

Qanun layihəsində bildirilir ki, Türkiyənin cənubda olan quru sərhədləri böyük təhdid altındadır. Suriya və İraqda olan terror qruplaşmaları ölkə sərhədlərinin təhlükəsizliyini təhdid edir.

Layihə Türkiyə Böyük Millət Məclisinə göndərilib.

Qeyd edək ki, Türkiyə anti-İŞİD koalisiyasının hərbi əməliyyatlarında yer almayıb. Layihənin parlamentə göndərilməsi isə o deməkdir ki, Türkiyə İŞİD-ə qarşı hərbi əməliyyatlara hazırlaşır. (anspress)

Ölkə.Az