Keçmiş futbolçu 2 uşaq anasını göyə qaldırıb yerə çırpdı - Video

ABŞ-də sabiq futbolçu yol vermək üstündə 2 uşaq anasına zorakılıq tətbiq edib.

Ölkə.Az xarici KİV-ə istinadla xəbər verir ki, keçmiş futbolçu Qladior Kvesiah yol verməyə görə, Haylia Soaresi havaya qaldıraraq yerə çırpıb.

Daha sonra avtomobilinə əyləşən futbolçu qəzaya səbəb olub.

Soares hadisə yerində başından qan axaraq yerdə uzanmış vəziyyətdə tapılıb.

Xəstəxanaya çatdırılan qadının ayağı və dizi sınıb, göz çuxurlarında ciddi zədələr əmlə gəlib və başına 8 tikiş qoyulub.

"O an öləcəyimi düşündüm. Ağlıma gəldi ki, uşağım məni heç vaxt xatırlamayacaq" - qadın deyib.

Dostları Soares üçün yardım kampaniyasına start verib.

Qeyd edək ki, 26 yaşlı Qladior Kvesiah futbol karyerasına 2017-ci ildə Amerika Beynəlxalq Kollecində başlayıb və əyalət miqyasında uğur qazanıb. O, barəsindəki çoxsaylı ittihamlara görə saxlanılıb. 

Billurə