Geyiminə gülən 2 nəfəri öldürdü - Video

34 yaşlı kişi paltarına lağ edən 2 nəfəri qətlə yetirib.

Ölkə.Az xəbər verir ki, hadisə ABŞ-nin Los Angeles şəhərində baş verib.

Belə ki, 34 yaşlı qvatemalalalı Yoni Barrios 2022-ci ildə əvvəlcə küçədə olan şou artistləri ilə şəkil çəkdirmək istəyib. Bu zaman tüklü kostyumlar geyinmiş şəxslər ona baxaraq gülüb. Barrios sənətçilərin onun geyiminə güldüyünü düşünərək bıçaqla hücum edib.

Hadisə anbaan təhlükəsizlik kameralarına düşüb.

Barriosun 30 yaşlı Maris DiGiovanninin ürəyindən, 47 yaşlı Brent Halleti isə kürəyindən bıçaqlayaraq öldürdüyü məlum olub.

Qvatemalalı kişi daha sonra küçə ilə qaçaraq təsadüfi insanlara hücum edib. 

Hadisə nəticəsində həmçinin 6 nəfər yaralanıb.

Polis hücumçunu "Venetian Expo" konqres mərkəzində yaxalayaraq zərərsizləşdirib. Barrios bıçaq satdığını, həmin an isə əsəblərini cilovlaya bilmədiyini söyləyib.
Terrorçuluq və qətl ittihamı ilə mühakimə olunan Barrios son iki ildə psixi sağlamlıq problemlərinə görə psixiatriya müəssisəsində saxlanılıb.

Məhkəmə hələ də yekun qərar qəbul etməyib. Günahı sübut olunarsa, barəsində edam hökmü verilə bilər.

Billurə