Rusiyadan Türkiyəyə ağlasığmaz təklif

"Türkiyə xristianlara Müqəddəs Sofiya Kilsəsini qaytarmalıdır".

Ölkə.Az xəbər verir ki, bu bəyanatala Rusiya Dövlət Dumasının deputatı, Xristian dəyərlərin müdafiəsi üzrə fraksiyalarası qurumun koordinatoru Sergey Qavrilov çıxış edib.

"23 sentyabrda Moskvada Moskva Məscidinin açılışı baş tutub. Bu tədbirdə bir çox müsəlman ölkələri liderləri iştirak edib. Tikinti işlərində Türkiyənin bir çox aparıcı şirkətəri olub. Ərdoğan şəxsən özü xeyirxahlıq edərək türkiyəli işçilərin əməyini ödəyib", - deyə Qavrilov bildirib.

"İndi isə Rusiya-Türkiyə münasibətlərinin həssas dönəmində qarşılıqlı dostluq təşəbbüs və təklifləri mühümdür. Rusiya tərəfi hesab edir ki, İstanbulda yerləşən qədim Müqəddəs Sofiya kilsəsini xatırlamaq yerinə düşər. Biz Türkiyə tərəfindən dostluq addımının atılmasını - Müqəddəs Sofiya kilsəsini qaytarmasını gözləyirik. Bu addım Türkiyə və bütün islam dünyasına xoş niyyətin siyasətdən daha uca olduğunu nümayiş etdirməyə kömək edərdi", - deyə deputat əlavə edib.

Müqəddəs Sofiya Türkiyənin İstanbul şəhərində yerləşən, əvvəl pravoslav kilsəsi, daha sonra məscid, hal-hazırda isə muzey olan məbəddir. Bizans dövrunə aid olan Aya Sofya Bizansın "qızıl əsrinin" simvolu hesab olunur.

1935-ci ildən indiyə qədər muzey kimi fəaliyyət göstərən Müqəddəs Sofiya Bizansa şahidlik edib, Osmanlı dövrünün möhtəşəm və tarixi abidələrindən biri olaraq il boyunca bütün ölkələrdən gələn turistlər tərəfindən ziyarət edilir. Zamana meydan oxuyan nəhəng ölçüdə, iqlim şərtləri, zələzələlər kimi təsirlərlə yaranan aşınmaların günümüzdə çox incə və ehtiyatlı halda aparılan bərpa işləri ilə aradan qaldırılmasına çalışılır.

Rəşid Mustafazadə

Ölkə.Az