Putin və Ərdoğan görüşəcək

147 ölkənin dövlət və hökumət başçılarının iştirakı gözlənilir

Ölkə.Az-ın xəbərinə görə, bir çox Türkiyə KİV-ləri yazır ki, Parisdə Türkiyə prezidenti Rəcəb Tayyıb Ərdoğanla Rusiya Federasiyası dövlət başçısı Vladimir Putin arasında görüş keçiriləcək.

Görüşün Parisdə baş tutacaq iqlimin dəyişməsi ilə bağlı sammiti çərçivəsində keçiriləcəyi bildirilir. İnformasiyaya əsasən, hər iki ölkə liderləri təkbətək görüşməyəcək.

Qeyd edək ki, 30 noyabrda sözügedən sammitdə dünyanın 147 ölkəsinin dövlət və hökumət başçılarının iştirakı gözlənilir.

Noyabrın 24-də səhər saatlarında Rusiyanın Suriyadakı hərbi aviasiya qrupuna məxsus "Su-24" döyüş təyyarəsi Türkiyənin hava sərhədini pozub. Türkiyə Hərbi Hava Qüvvələri ərazini tərk etmələri üçün ruslara 10 dəfə xəbərdarlıq edib. Bundan sonra Türkiyənin "F-16" qırıcıları "Su-24"ü zərərsizləşdirib.

Rəşid Mustafazadə

Ölkə.Az

.