Jirinovskiy: \"Rusiyanın yeganə müttəfiqi Ermənistandır. Türkiyə ilə qurtarmalıyıq!\"

"Və onda onlar kürdlərlə birlikdə İstanbula çatacaqlar"

Ölkə.Az-ın xəbərinə görə, Rusiya Dumasının üzvü, Liberal-Demokrat Partiyasının sədri Vladimir Jirinovskiy Birinci kanalda "Pyotr Tolstoyla siyasət" verilişinin efirində bəyan edib ki, Rusiyanın regionda yeganə müttəfiqi Ermənistandır.

O qeyd edib ki, ermənilərə silah verilsə, onlar İstanbula qədər gedib çıxar.

"Burada belə bir fikir səsləndi ki, Rusiyanın sadiq müttəfiqləri İran, Suriya, İordaniyadır. Bunlar yanlışdır. Ölkəmizin regionda bizim istədiyimizi yerinə yetirən yeganə müttəfiqi Ermənistandır. Bax, onlar hər şey edərlər", - deyə Jirinovskiya bildirib.

Zaldan etiraz edənlərə isə Jirinovskiy belə cavab verib:

"Kim edə bilməz. Ermənilərə silah verin və onlar Türkiyə sərhədinə gedəcəklər. Onlar artıq gedirdi və Türkiyənin yarısını tutmuşdular. Bolşeviklər mane oldu. Lenin silahı Atatürkə verdi, ermənilərə vermək lazım idi. Amerika İsrailin arxasında olduğu kimi, biz də ermənilərin arxasındayıq. Və onda onlar kürdlərlə birlikdə İstanbula çatacaqlar", - deyə partiya lideri əlavə edib.

Rəşid Mustafazadə

Ölkə.Az

.