Ukrayna ordusu “Türk axını”na hücum edib

Ukrayna “Türk axını” boru kəməri ilə qazın nəql olunduğu Krasnodar diyarında kompressor stansiyasına 9 PUA ilə hücum etməyə cəhd edib. 

Ölkə.Az xəbər verir ki, bu barədə yanvarın 13-də Rusiya Müdafiə Nazirliyi məlumat yayıb.

“2025-ci il yanvarın 11-də Kiyev rejimi Avropa ölkələrinə qaz tədarükünü dayandırmaq üçün 9 təyyarə tipli PUA-dan istifadə edərək Qay-Kodzor (Krasnodar diyarı) kəndindəki “Türk axını” ilə qaz tədarükünü təmin  edən “Russkaya” kompressor stansiyasının infrastrukturuna hücuma cəhd edib”, - məlumatda deyilir.

Rusiya HHQ-nin müdafiə bölmələri bütün dronları vuraraq hücumu dəf edib, lakin PUA-lardan biri kompressor stansiyasına düşüb və infrastruktura ziyan vurub.

Mürtəza
Ölkə.Az